她与星爷拍拖13年，为追讨7千万官司打咗5年，如今与银行后人好事将近

星爷周星驰在娱乐圈咁多年，恋情一只手数得晒，当中最长情的系同于文凤的那段感情。

于文凤同星爷自从99年被发现同游日本，虽然星爷一直否认拍拖，但外间对两人关系一直心照不宣。

呢段关系，于12年得到于文凤证实，因为佢当年入禀高院，向星爷及旗下星扬海外公司追讨星爷7000万，同时佢以星爷前女友自居，透露两人由97年开始拍拖，直至10年3月分手，拍拖13年。

入禀状指，于文凤02年担任星爷财务顾问，除书面协议每月支付于文凤2万至5.9万不等嘅顾问费，于文凤指与星爷有口头承诺，将投资除税后行润的一成作为佣金。

而星爷于山顶普乐道的独立屋当时估值8亿，估于文凤认为星爷应支付8千万。由于星爷12年3月曾付1,000万元，故是次入禀追讨逾下7千万。

呢次案件纠缠多年，14年高院指该独立屋未变卖，未有所指的除税后盈利，故剔除诉讼，但于文凤不服上诉，案件将于下年1月再讯。

今年5月，于文凤再入禀高院，再次提出相关协议，追讨星爷3个大埔比华利山独立屋及5个车位的利润，但入禀状未有透露所涉金额。

咁于文凤近况如何呢？日前记者在利园商场撞见佢，当时佢身边带住3至4岁大嘅小女孩，仲有一位女外佣同洋男保镳陪住行街，佢哋一行人去童装店买嘢，睇得出于文凤都几锡呢个妹妹。

后来行下又有一位中年黑衫男子拎住一袋二袋会合佢地，行咗一轮，于文凤首先送小妹妹、女佣同洋男保镖上了一架benz离开，而佢就同黑衣男上咗一部7人车离开。

好啦！到底小妹妹同佢系乜关系？佢同黑衣男系咪拖友？当然最直接系问番于文凤本人啦！佢接受电话访问话：「小妹妹系我个姪女，黑衣者系我朋友嘅朋友，我已经有男朋友，佢系Andrew Liu（廖创兴银行主席廖烈文的长子廖尧城）。」

廖尧城

插播一下：廖尧城是廖创兴银行第三代后人，86年同保良局前主席梁王培芳千金梁炜结婚，育有三名子女。不过二人喺01年离婚，及后廖尧城不时传出绯闻，当中包括李丽珍、刘銮雄前爱将王颖妤及名媛林学华、严淑明等。

问佢同廖尧城几时拉埋天窗？同星爷单官司系未仲打紧？佢话：「单官司一直进行中，至于我感情嘅嘢，我向来低调，今日已经答咗你哋好多嘢啦！」

虽然于文凤对感情事好低调，但听闻佢同廖尧城感情仲好好，事业方面佢都有同人合作搞啲生意做下，个男友系银行家，应该会有好多投资心得传授俾佢。

☞转载授权微信：lama129

☞ 商务QQ：443317765

☞投稿邮箱：tghkchannel@163.com