孖陈滢蔡颖恩晒泳装，陈嘉宝教做拱桥

视频：

陈滢同陈嘉宝（Anjaylia）一向都老友鬼鬼，不时都相约见面。最近Anjaylia就忙完拍摄无綫剧《夸世代》，当然要放松休息吓。呢日佢就同陈滢齐齐出海，陈滢喺社交网分享佢哋嘅出海片，虽然佢哋冇晒水着，但以吊带背心上阵，同样养眼！其中一段片，Anjaylia教大家做拱桥，佢大晒纤腰兼长腿，认真吸睛，原来Anjaylia成日做拱桥㗎，唔怪之得身材咁Fit啦！

另一段片，见到陈滢啲头发吹到乱晒，佢话：“好大风呀！”不过睇片都知道佢哋玩得好开心，网友都话就算秀发乱了，但依然系佢哋心目中嘅女神，仲话完全畀佢哋嘅笑容融化咗添！及后陈滢又喺社交网甫咗张佢同陈嘉宝、蔡颖恩嘅泳衣背面相，一齐做最佳“影后”，真系引死人呀！